நாலு கார் லேண்ட்மார்க்.!! (அ) ஆவாஸ் அன்ஜிங்.!!! 2

வருது ஆவாஸ் அன்ஜிங்......

கர்நாடகா பேருந்துகள் நிறுத்தக் கட்டையில் ஒரு ஓரமா நின்னு மூட்டை முடிச்சுகளை தனியொருவனாக சற்று தள்ளி எடுத்து வைத்து விட்டு இரண்டு நிமிடம் சுற்றி முற்றி பாவமாக பார்த்து விட்டு நிமிர்தேன்.

சிறிய கலக்கம் வந்தது.....இது சற்றே "ஓடும் ரயில் வண்டியில் ஒரு பிடிமானமும் இல்லாமல் வேட்டி கட்டியவன் ஒன்னுக்கு இருக்கும் பிராண  சங்கட நிலை" அல்லவா.

ஒத்தை ஆள் 21 லக்கேஜ்.....கோயம்பேடு கர்நாடகா பஸ் கட்டை.....இப்போ ஒரு டீ குடிக்கனும்னா இல்ல ஒரு அவசரம்னா என்ன செய்ய. ஒரே தீர்வு சீக்கிரமே அறை போய் சேர்வது.

எவ்வளவோ பண்ணிருக்கோம் இத பண்ண மாட்டோமா.....வருவான்டா கார்ல வாராது வந்த மாமணி.

ரோமிங்ல இருந்த (கர்நாடகா நம்பர்) ஃபோன எடுத்து,

ஒரு கால், ரெண்டு கால், மூணு கால்,...............எடுத்தார் மாமணி எட்டாவது காலில். இருந்தார் தூக்கக் கலக்கத்தில். {அடேய் பாவி நாந்தானாடா இன்றைக்கு அலாரம் சர்வீஸ் ஒனக்கு}

ஹ்ம்ம் O K. பாவம் ட்ராவலிங் டயர்டா இருக்கும் இல்ல.

ஹலோ.....
ஹய் ஹாய்....சொல்லுங்க சார்...???!!!! என்ன இந்த நேரத்துல கால் பண்ணிருக்கீங்க.....???!!!!
ஹாய் நான் இங்க வந்திருக்கேன்.....
ஹைய் ய் ய் யோ....சோ நைஸ். எங்க தங்கிருக்கீங்க? இன்னைக்கு ஈவினிங் மீட் பண்லாமா........????

டேய்....நான் இங்க கோயம்பேடுல உனக்காக வெயிட் பண்ணிட்ருக்கேன் செல்லம்.
ஒஹ் ஹோ.....நான் இப்போ பாண்டிச்சேரி ல இருக்கேன்.....???!!!!! நேத்து ஒரு அர்ஜன்ட் மீட் இங்க அதான் வண்டி எடுத்துட்டு வந்தேன். இன்னைக்கி காலைல 11  மணிக்குதான் மீட் முடியும் இங்க.

ஓ கே......
கொஞ்சம் சொல்லிருக்கலாமே.......

நாந்தாம் சொன்னேனே சார்....???!! மீட்டுக்கு போக வேண்டிருக்கும்னு.....TN,KL, பாண்டி மூனும் (என்னது...நிலாவா...) என்னோட ரீஜன் ல வர்றதால ஆல்டர்னட் மன்த் இடம் சேஞ் பண்ணுவோம். {நாதான் சொன்னனே ஆவாஸ் அன்ஜிங்,,,ஆவாஸ் அன்ஜிங்,,,,ஆவாஸ் அன்ஜிங்,,,,,அப்படின்னு}

ஓ கே...... {ஏன்டா உனக்குத்தான் தமிழ் நல்லா தெரியுமே.......நான் இருக்குறது சந்தேகம்னு சொல்லலாமே அப்பவே அத}

அப்போ நீங்க ஒன்னு பண்ணுங்க அப்படியே என்ட்ரன்ஸ் வந்திங்கன்னா ஆட்டோ இருக்கும் பிடிச்சு ரூமுக்கு வந்துடுங்க.......{பரவாயில்ல இதயாவது ஞாபகம் வச்சிருக்கானே}.

ஓக் கே......

( லைட்டா முனகி)  லக்கேஜ் இருக்குடா.

அது ஒன்னும் ப்ராப்ளம் இல்ல...???!!! அங்க ட்ராலி இருக்கும் அதுல போட்டு வெளில கொண்டு வந்துடுங்க???!!!

ஓக்கே......சரி வச்சிட்டு கூப்புடுறேன்.

ஹ்ம்ம்.......

அடடா வழி கேக்க விட்டுட்டனே. சரி வண்டில வச்சிட்டு கேட்டுக்கலாம்.

அதுக்குள்ள மீட்டிங் உள்ள போயிட்டான்னா....????

அஞ்சு நிமிஷம்தான பாத்துக்கலாம்...... மணி இப்போ 7.15 தான.

தொடர்புடைய இடுகைகள் :
நாலு கார் லேண்ட்மார்க்.!! (அ) ஆவாஸ் அன்ஜிங்.!!! 1

தேடலும் பயணமும் கவிதையும்