தேடலும் பயணமும் கவிதையும்

தேடலும் பயணமும் கவிதையும்

எல்லா தேடல்களையும் பயணமாகவும்
எல்லா பயணங்ளையும் தேடலாகவும் கொள்வது
கவித்துவமாக எளிதாக உள்ளது.

தனித்து விடப்பட்டது இந்த விசி அல்ல

 

தடங்கள்


வந்தமர்ந்தவர்களும், எழுந்து சென்றவர்களும் மட்டுமே இல்லை என்று காட்டும் எதிரிலிருக்கும் தடங்களின் அகல நீளங்கள்.

எல்லோரும் சென்ற பின்னும் தனித்து விடப்பட்டதென்னவோ இந்த விசி  அல்ல.

இக்கரைப் பச்சை



இக்கரைப் பச்சை

எல்லா நேரத்திலும் இக்கரைக்கு அக்கரை பச்சையாக இருப்பதில்லை

கிலுகிலுப்பை கவிதை

குழந்தை கையில் அகப்பட்ட கிலுகிலுப்பை  

எப்படி ஆட்டினாலும் எழுப்பும் சத்தம் போல,

என்ன எழுதினாலும் கவிதையாக பரிணமித்துவிடுகிறது

பிடிபட்டுவிடுவதில்லைதான் எல்லா பிரபஞ்ச ரகசியங்களும்

ஒரே வாழ் நாட்களிற்குள்

"Roundaana"? - ரவுண்டானா....!!!?? - 1

"Roundaanaa" - ரவுண்டானா....!!!??

ரவுண்டானா....!!!??
இது எந்த மொழிச்சொல்லாக இருக்கக்கூடும்?
சாலை நடுவில் நிற்கும் கணித வடிவம்,
இதில் தான் எத்தனை வகை….

காரை இட்டது
கார் இடித்து பேர்ந்தது
கட்சி கொடி தோரணம் கட்டியது
பச்சை போர்த்தது
கம்பி வேலி இட்டது
எருமை உராய்வது
நாய் உறைவது
ஆடு தாண்டுவது
நீரூற்று கொண்டது
நின்ற நெடுமரம் கொண்டது
அமர்ந்தருளும் கடவுள் கொண்டது
கூவி அழைக்கும் விளம்பர தட்டி கொண்டது
குற்றேவல் புரிவோர் குடியிருக்கும் குடிசை கொண்டது
காவலர் குடை மட்டும் கொண்டது
தமிழில் இதன் பெயரறிவது இப்போது மிகவும் அவசியமாகிறது
அறிந்தவர் யாரேனும் இதைக் கடந்து செல்லும்வேளை 
ஒருகணம் செலவிட்டு சொல்லிவிட்டு போங்களேன்

ஏனென்றால்
எந்த வடிவிலிருந்தாலும் இதன் பெயர் ரவுண்டானா என்பதாக மட்டுமே
இதுவரை வழங்கப்பட்டு வருகிறதென்பது
ஏதாவதொரு  சாமியார் அல்லது மேலாண்மை குருவின் கண்ணில் பட்டு
தத்துவக்கருப்பொருள் ஆகக்கூடிய சாத்தியங்கள் கொண்டது

அந்த நேரம் இதற்கோர் தமிழ்ப் பெயரின்றிப் போனால்
நான்தான் என்ன செய்வது கவிதை எழுத?