Tuesday 9 February 2016

நாலு கார் லேண்ட்மார்க்.!! (அ) ஆவாஸ் அன்ஜிங்.!!! 3


எப்படியும் ரஸ்க் சாப்புடறதுன்னு ஆகிப்போச்சு, சுனா பானா சுத்தி அடி.

என்ன பண்ணலாம்..???

பராக்கு பாத்துகிட்டே வந்த ஒரு KSRTC கண்டக்டர் கிட்ட "அண்ணவரே ஈ பேகுகளன சொல்ப நோட் கொள்தீரா நானு ஓகி ட்ராலி தகொண்டு பருத்தினி" என்றதும், சென்னையில் கன்னடம் கேட்ட செவியோடு சேர்த்து தலையசைத்தார். ஆகா இதுவன்றோ இருமொழி அறிதலின் மகிச்சி.

ட்ராலி கிடைத்தது. அவருக்கு "தும்ப தாங்க்ஸ்" ஒன்றை சொல்லி லா...க்கேஜ்களை  எடுத்து அதன் மேல் வைத்து தள்ளிக் கொண்டு வாசல் வந்தேன்.

ஹ்ம்ம் ப்ரீ பெய்ட் கவுன்டர் இல்லையா.....வாட் எ பிட்டி வாட் எ பிட்டி?

ஆட்டோக்காரர் குறைந்தது இரண்டு ஆட்டோ வேண்டும் என்று ஆரம்பித்தார். ஓக்கே....எவ்வளவு என்றதும் இருக்கும் சொத்தில் பாதியை கேட்டார்......
போய் சேர்ந்து விட்ட ரெண்டு பக்க தாத்தா பாட்டிகளும் இதைப் பற்றி ஏதும் சொல்லவில்லையே. எதுக்கும் ரூம் போன பின் முதல் வேலையாக வீட்டுக்கு ஃபோன் போட்டு கேக்கணும்.

ஃபோன் அடித்தது,,,,,,பார்த்தேன்.....ஆஹா ஆபத்பாந்தவன், என்னோட சீனியர், முன்னாள் சக ஊழியர், சென்னையில் இருப்பவர். கால் செய்திருந்தார்.

சார்...
எப்படி இருக்க?
நான் இப்போ சென்னை வந்துருக்கேன்.........(கொசுவர்த்தி சுத்தப்பட்டது).
கொயம்பெட்டுல இருக்கியா....நான் அந்த பக்கமாதான் ஒரு வேலையா வந்தேன்.....ஒரு 15 நிமிஷம் வெயிட் பண்ணு வந்துர்றேன். (:-) (:-).......நான் டிராப் பண்றேன்.(:-) (:-)(:-) (:-)(:-) (:-)

நாந்தான் சொன்னேன்ல நமக்கு நட்பு வட்டம் பெருசுன்னு.

ஆட்டோ டிரைவரிடம் தற்போதய நிலையில் பாகப்பிரிவினை சாத்தியப்படாது என்பதை தெரிவித்து விட்டு, மாமணிக்கு போனப்போட்டேன். வழி கேக்கணுமே.

சொன்னான், 18th அவென்யு ல வந்திங்கன்னா ஸ்டேஷன் ரோடு சைடுல அபார்ட்மெண்ட் கம்பவுண்டு  இருக்கும் அதான்.
இன்னும் கிளியரா சொல்லுடா....
3 மாடி அபார்ட்மெண்ட் சார், வெளில பாத்திங்கன்னா நாலு கார் இருக்கும்.

ஒஹ் ஓக்கே அப்ப சரி.

காத்திருந்தேன். வந்தார். நல விசாரிப்புகளின் பின், மூட்டைகளை எடுத்து வண்டியில் வைத்து விட்டு ஏறி கிளம்பினோம். மணி 8ஐ நெருங்கியிருந்தது.

ஃபிளை ஓவர் இல்லா காலத்து டிராபிக்கில் பயணம். திருமங்கலம் சிக்னல் கிட்ட வரும்போது ஃபோன் சிக்னலும் பாட்டரியும் பத்தாது என்றது. ஓக்கே பத்து நிமிஷம்தான....போய் பாத்துக்கலாம்.

பதினெட்டாம் அவென்யு திரும்பி ஸ்டேஷன் சைடு ரோட பார்த்துகிட்டே வந்தோம்..........3 மாடி அபார்ட்மெண்ட் சார், வெளில பாத்திங்கன்னா நாலு கார் இருக்கும்.

3 மாடி அபார்ட்மெண்ட் சார், வெளில பாத்திங்கன்னா நாலு கார் இருக்கும்

3 மாடி அபார்ட்மெண்ட் சார், வெளில பாத்திங்கன்னா நாலு கார் இருக்கும்

3 மாடி அபார்ட்மெண்ட் சார், வெளில பாத்திங்கன்னா நாலு கார் இருக்கும்

3 மாடி அபார்ட்மெண்ட் சார், வெளில பாத்திங்கன்னா நாலு கார் இருக்கும்

3 மாடி அபார்ட்மெண்ட் சார், வெளில பாத்திங்கன்னா நாலு கார் இருக்கும்

3 மாடி அபார்ட்மெண்ட் சார், வெளில பாத்திங்கன்னா நாலு கார் இருக்கும்



தொடர்புடைய இடுகைகள் :

நாலு கார் லேண்ட்மார்க்.!! (அ) ஆவாஸ் அன்ஜிங்.!!! 1

நாலு கார் லேண்ட்மார்க்.!! (அ) ஆவாஸ் அன்ஜிங்.!!! 2

தேடலும் பயணமும் கவிதையும்

No comments:

Post a Comment